တစ်ပွဲထက်တစ်ပွဲ ခြေစွမ်းကောင်းမွန်လာခြင်းကြောင့် ချန်ပီယံဆုဆက်ထိန်းနိုင်မည်ဟုယုံကြည်ကြောင်း ရန်ကုန်နည်းပြဆို

thuya zaw | 22/02/2016 | ပြည်တွင်းသတင်း, မြန်မာနေရှင်နယ်လိဂ် | | Photo : ATP

Photo: ချန်ပီယံဆုဆက်ထိန်းနိုင်မည်ဟု ယုံကြည်နေသည့် နည်းပြမာယန် (ATP)

အောင်သော်ဖြိုး
ဖေဖော်ဝါရီ ၂၂။

မြန်မာနေရှင်နယ်လိဂ် ၂ဝ၁၅ ချန်ပီယံ ရန်ကုန်ယူနိုက်တက်အသင်း၏ခြေစွမ်းသည် တစ်ပွဲထက်တစ်ပွဲပိုမိုကောင်းမွန်လာသဖြင့် ဘောလုံးရာသီကုန်ဆုံးချိန်တွင် လက်ရှိချန်ပီယံဆုကို ဆက်လက်ထိန်းသိမ်းနိုင်မည်ဟု ယုံကြည်ကြောင်း ရန်ကုန်နည်းပြချုပ်မာယန်က ရခိုင်ယူနိုက်တက်အသင်းနှင့်ပွဲပြီး သတင်းစာရှင်းလင်းပွဲတွင် ပြောကြားခဲ့သည်။

“လိဂ်ပွဲတွေ အများကြီးကျန်ပါသေးတယ်။ ရာသီကုန်မှာ ချန်ပီယံဖြစ်မယ်လို့ယုံကြည်ထားတယ်။ မယုံကြည်ရင် ဒီနည်းပြချုပ်ရာထူးမှာတောင် ရှိနေမှာမဟုတ်ပါဘူး” ဟု ၎င်းကဆိုသည်။

ရန်ကုန်ယူနိုက်တက်အသင်းသည် Ooredoo MNL 2016 Week-7 အဖြစ်ယှဉ်ပြိုင်ခဲ့သည့် ရခိုင်ယူနိုက်တက်နှင့်ပွဲစဉ်တွင် ၃-၁ ဂိုးဖြင့်အနိုင်ရခဲ့ပြီး အဆိုပါပွဲတွင် အသင်းသားများ၏စွမ်းဆောင်ရည်ကို နည်းပြချုပ်က ချီးကျူးခဲ့ပြီး ရန်ကုန်ယူနိုက်တက်အနေဖြင့် လက်ရှိခြေစွမ်းကို ကျေနပ်မနေဘဲ တစ်ပွဲထက်တစ်ပွဲ ပိုမိုကောင်းမွန်စေရန် ကြိုးပမ်းရမည်ဖြစ်ကြောင်း ရန်ကုန်နည်းပြချုပ်မာယန်က ပြောဆိုသည်။

ရန်ကုန်ယူနိုက်တက်အသင်းသည် ရာသီအစတွင် ရလဒ်များဆိုးရွားနေခဲ့ပြီး မြန်မာနေရှင်နယ်လိဂ် ပွဲစဉ်-၅ မတိုင်မီအထိ နိုင်ပွဲမရခဲ့ဘဲ ပွဲစဉ်-၅ မှ စတင်ကာ ချင်းယူနိုက်တက်၊ ဟော်ရီဇွန်၊ ရခိုင်အသင်းတို့ကို ၃ ပွဲဆက် အနိုင်ရရှိထားသည်။

Photo: ချန်ပီယံဆုဆက်ထိန်းနိုင်မည်ဟု ယုံကြည်နေသည့် နည်းပြမာယန် (ATP)