အမျိုးသမီးလက်ရွေးစင်အသင်းနှင့် နေ့စဉ်လေ့ကျင့်ခန်းပြုလုပ်နိုင်ခွင့်ရခြင်းမှာ အားသာချက်ဖြစ်သည်ဟု မြန်မာ့လက်ရွေးစင်နည်းပြရော်ဂျာပြောကြား

Share on Facebook0Tweet about this on TwitterShare on Google+0Share on Reddit0
zzzz
Photo: မြန်မာဘောလုံးအဖွဲ့ချုပ်နှင့် စာချုပ်ချုပ်ဆိုနေသည့် နည်းပြရော်ဂျာ (ATP)

အောင်သော်ဖြိုး။
ဖေဖော်ဝါရီ ၁၉။

မြန်မာ့လက်ရွေးစင်အမျိုးသမီးအသင်းအတွက် မြန်မာနိုင်ငံဘောလုံးအဖွဲ့ချုပ်မှခေါ်ယူခဲ့သည့် ဟော်လန်အမျိုးသမီးလက်ရွေးစင်နည်းပြဟောင်းရော်ဂျာသည် မြန်မာအမျိုးသမီးအသင်းမှာ ၎င်းနှင့်အတူ နေ့စဉ်လေ့ကျင့်ခန်းပြုလုပ်နိုင်ခွင့်ရခြင်းသည် အားသာချက်ဖြစ်စေသည်ဟု ယမန်နေ့က မြန်မာနိုင်ငံဘောလုံးအဖွဲ့ချုပ်တွင်ကျင်းပခဲ့သည့် စာချုပ်ချုပ်ဆိုပွဲတွင် ပြောကြားခဲ့သည်။

ဟော်လန်အမျိုးသမီးလက်ရွေးစင်အသင်းတွင် တာဝန်ယူခဲ့စဉ်က ဟော်လန်အမျိုးသမီးလိဂ်ပြိုင်ပွဲရှိနေခြင်းကြောင့် ကစားသမားများကို ပြိုင်ပွဲနီးမှသာ ခေါ်ယူလေ့ကျင့်ခွင့်ရပြီး မြန်မာ့လက်ရွေးစင်အမျိုးသမီအသင်းမှာ လိဂ်ပြိုင်ပွဲများမရှိသဖြင့် ကစားသမားများနှင့် နေ့စဉ်တွေ့ဆုံပြီး အားနည်းချက်များကိုအဖြေရှာနိုင်ခြင်းသည် မိမိအတွက်အားသာချက်ဖြစ်ကြောင်း ၎င်းကပြောဆိုခဲ့သည်။

နည်းပြချုပ်အနေဖြင့် အာဆီယံဒေသတွင်းပြိုင်ပွဲအတွေ့အကြုံမရှိခြင်းကိုဝန်ခံခဲ့ပြီး ဟော်လန်အသင်းနှင့် ကမ္ဘာ့ဖလားသွားရောက်ယှဉ်ပြိုင်ခဲ့စဉ်က အာရှတိုက်အသင်းများကစားဟန်ကို လေ့လာထားပြီးဖြစ်သောကြောင့် အဆင်ပြေနိုင်မည်ဟု မျှော်လင့်ကာ လေ့ကျင့်ပြင်ဆင်ချိန် ၅ လခန့်ရရှိသည့်အတွက် အဓိကပြိုင်ဘက်များဖြစ်သော ထိုင်း၊ ဗီယက်နမ်အသင်းတို့ကို ကျော်ဖြတ်နိုင်မည်ဟု ယုံကြည်ကြောင်း မြန်မာ့လက်ရွေးစင်အမျိုးသမီးအသင်း နည်းပြချုပ်ဖြစ်လာသူ ရော်ဂျာက ဆိုသည်။

ဟော်လန်နိုင်ငံသားရော်ဂျာသည် ဟော်လန်အမျိုးသမီးကလပ်အသင်းများကို ကိုင်တွယ်ခဲ့ဖူးပြီး ဟော်လန်အမျိုးသမီးလက်ရွေးစင်အသင်းကို တာဝန်ယူခဲ့သည့်အချိန်တွင် ကမ္ဘာ့ဖလားသို့တက်ရောက်နိုင်အောင် စွမ်းဆောင်ထားနိုင်သူဖြစ်ပြီး မြန်မာနိုင်ငံဘောလုံးအဖွဲ့ချုပ်နှင့် လက်ရှိအချိန်တွင် ၆ လစာချုပ်ချုပ်ဆိုထားပြီး လစာငွေကို မြန်မာနိုင်ငံဘောလုံးအဖွဲ့ချုပ်က ပေးချေသွားမည်ဟုသိရသည်။

Photo: မြန်မာဘောလုံးအဖွဲ့ချုပ်နှင့် စာချုပ်ချုပ်ဆိုနေသည့် နည်းပြရော်ဂျာ (ATP)

comments

error: Content is protected !!