ကာဗာနီ၏အပြုအမူများမှာ ပြဿနာဖြစ်နေ၍ အသင်းမှထွက်ခွာနိုင်ဟု ပီအက်စ်ဂျီနည်းပြ ဆို

Share on Facebook0Tweet about this on TwitterShare on Google+0Share on Reddit0
4
ပီအက်စ်ဂျီတွင် မပျော်မရွှင်ဖြစ်နေသည့် ကာဗာနီ

ပီအက်စ်ဂျီနည်းပြ လောရင့်ဘလန့်က ဥရုဂွေးကစားသမားကာဗာနီက ပွဲထွက်တိုက်စစ်မှူးအဖြစ်ကစားခွင့်ရရန် တောင်းဆိုမှုကို လိုက်လျောမပေးနိုင်ဟုဆိုခဲ့သဖြင့် လက်ရှိအသင်းမှ ထွက်ခွာဖွယ်ရှိနေကြောင်း သိရှိရသည်။

ကာဗာနီမှာ ၂၀၁၃ ခုနှစ်က နာပိုလီမှ ပီအက်စ်ဂျီသို့ ပေါင် ၅၅ သန်းဖြင့် ပြောင်းရွှေ့လာချိန်မှစကာ အီဘရာဟီမိုဗစ်၏အရန်အဖြစ် ကစားနေရပြီး ၎င်းပိုမိုနှစ်သက်သော ဗဟိုတိုက်စစ်မှူးနေရာထက် တောင်ပံတိုက်စစ်တွင်သာ ကစားခွင့်ရခဲ့သည်။

လောရင့်ဘလန့်က အာဆင်နယ်၊ မန်ယူတို့၏ဆက်သွယ်ခြင်းခံနေရသော ကာဗာနီ၏အပြုအမူမှာ ပြဿနာဖြစ်နေသဖြင့် လက်ရှိအသင်းကို ထိုကစားသမားစွန့်ခွာမည်ဆိုလျှင်လည်း တားဆီးမည်မဟုတ်ဟု ဖွင့်ဟခဲ့သည်။

“ကာဗာနီရဲ့အပြုအမူက ပြဿနာဖြစ်နေတယ်။ ဒါပေမဲ့ ကျွန်တော့်အလုပ်က တစ်သင်းလုံးစုစည်းမှုရအောင် တွေးပေးဖို့ပဲ။ အသင်းအစည်းအဝေးလုပ်တော့လည်း ပြဿနာတွေအများကြီးရှိတဲ့ထဲမှာ ကာဗာနီနဲ့ သူ့ရဲ့စောဒကတက်တာတွေကိုပဲ ဆွေးနွေးနေရတယ်။ လူတစ်ယောက်ရဲ့ဆန္ဒက တစ်သင်းလုံးရဲ့ဆန္ဒကို ကိုယ်စားမပြုပါဘူး။ သူကခြေစွမ်းကောင်းတာသိပေမယ့် ကစားသမားဘ၀မှာ သူအပြောင်းအလဲလုပ်ချင်တယ်ဆိုလည်း ကျွန်တော်နားလည်မှာပါ”ဟု လောရင့်ဘလန့်က ထုတ်ဖော်ပြောကြားခဲ့သည်။

comments

error: Content is protected !!