ယူရိုပါလိဂ် အုပ်စုပွဲစဉ်များမပြီးဆုံးမီ လီဗာပူးလ်၊ စပါးအပါအ၀င် အသင်းကြီးများရှုံးထွက်အဆင့်သို့တက်ရောက်

Share on Facebook0Tweet about this on TwitterShare on Google+0Share on Reddit0
LIVERPOOL, ENGLAND - NOVEMBER 26:  James Milner of Liverpool (C) celebrates as he scores their first and equalising goal from the penalty spot with Christian Benteke (L) and Alberto Moreno (R) during the UEFA Europa League Group B match between Liverpool FC and FC Girondins de Bordeaux at Anfield on November 26, 2015 in Liverpool, United Kingdom.  (Photo by Alex Livesey/Getty Images)
ဘော်ဒိုးဘက်သို့ဂိုးသွင်းပြီးအောင်ပွဲခံနေသည့်လီဗာပူးကွင်းလယ်ကစားသမားမီလ်နာ။

ယူရိုပါလိဂ် အုပ်စုပွဲစဉ် (၅) ကို ကြာသပတေးညက ဆက်လက်ယှဉ်ပြိုင်ကစားခဲ့ကြရာ အုပ်စုနောက်ဆုံးပွဲစဉ်များ ယှဉ်ပြိုင်မကစားမီ ၃၂ သင်းအဆင့်သို့ တက်ရောက်သွားနိုင်ခဲ့သည့်အသင်း စုစုပေါင်း ၁၅ သင်း ပေါ်ထွက်လာခဲ့ပြီဖြစ်သည်။

အုပ်စု (က) တွင် တူရကီကလပ် ဖီနာဘာချီမှာ အုပ်စုအားဦးဆောင်နေသည့် မိုလ်ဒီကို အနိုင်ကစားနိုင်ခဲ့သဖြင့် ရှုံးထွက်အဆင့်သို့တက်ရောက်ရန် ဆဲလ်တစ်နှင့်အုပ်စုနောက်ဆုံးပွဲစဉ်မှာ အဓိကကျလာမည်ဖြစ်သည်။ မိုလ်ဒီအသင်းမှာ ဖီနာဘာချီအသင်းနှင့်ပွဲမတိုင်မီကပင် ရှုံးထွက်အဆင့်သို့ တက်ရောက်နိုင်ခဲ့ခြင်းဖြစ်ပြီး အုပ်စုနောက်ဆုံးပွဲစဉ်တွင် အေဂျက်ဇ်အသင်းနှင့် ယှဉ်ပြိုင်ရမည်ဖြစ်သည်။ အေဂျက်ဇ်အသင်းသည်အုပ်စုဒုတိယမှ ဖီနာဘာချီနှင့် ၂ မှတ်သာကွာဟနေရာ ရှုံးထွက်အဆင့်သို့တက်ရောက်နိုင်ရန် မျှော်လင့်ချက်အနည်းငယ်ရှိနေသေးသည်။

အုပ်စု (ခ) တွင် နာမည်ကြီး လီဗာပူးလ် နောက်တစ်ဆင့်သို့ တက်ရောက်သွားပြီး ဘော်ဒိုးမှာပြိုင်ပွဲမှ ထွက်ခွာသွားရပြီဖြစ်သည်။ အုပ်စုဒုတိယ နေရာအတွက် ဆီယွန်နှင့်ရူဘင်ကာဇန်တို့ အပြိုင်ဖြစ်နေပြီး အုပ်စုနောက်ဆုံးပွဲစဉ်တွင် ဆီယွန်နှင့်လီဗာပူးလ်၊ ဘော်ဒိုးနှင့် ရူဘင်ကာဇန်တို့ ယှဉ်ပြိုင်ကစားရမည်ဖြစ်သည်။

အုပ်စု (ဂ) တွင်ဒေါ့မွန်နှင့်ခရက်စနိုဒါတို့ ရှုံးထွက်အဆင့်သို့တက်ရောက်သွားပြီး ပီအေအိုကေနှင့်ကာဘာလာတို့ ပြိုင်ပွဲမှ ထွက်ခွာသွားရပြီဖြစ်သည်။ အုပ်စုနောက်ဆုံးပွဲစဉ်တွင် ကာဘာလာနှင့်ခရက်စနိုဒါ၊ ဒေါ့မွန်နှင့် ပီအေအိုကေတို့ ယှဉ်ပြိုင်ကစားရမည်ဖြစ်ပြီး ခရက်စနိုဒါမှာ ကာဘာလာကို အနိုင်ရခဲ့ပါက ထိပ်တိုက်တွေ့ဆုံမှုအရ အုပ်စုပထမဖြင့် ရှုံးထွက်အဆင့်သို့ တက်ရောက်နိုင်မည်ဖြစ်သည်။

အုပ်စု (ဃ) တွင် စီးရီးအေထိပ်တန်းကလပ် နာပိုလီအသင်းက အုပ်စုတွင်း ရာနှုန်းပြည့်နိုင်ပွဲဖြင့် ရှုံးထွက်အဆင့်သို့ တက်ရောက်သွားပြီး အုပ်စု ဒုတိယနေရာအတွက် မက်ဂျေးလန်၊ ကလပ်ဘရုဂ်ျနှင့်လီဂီယာဝါဆောတို့ သုံးသင်း အပြိုင်ဖြစ်နေသည်။ အုပ်စုနောက်ဆုံးပွဲစဉ်တွင် မက်ဂျေးလန်နှင့်ကလပ်ဘရုဂ်ျ၊ နာပိုလီနှင့်လီဂီယာဝါဆောတို့ ယှဉ်ပြိုင်ရမည်ဖြစ်ပြီး မက်ဂျေးလန်မှာ ကလပ်ဘရုဂ်ျကို အနိုင်ရခဲ့ပါက အုပ်စုဒုတိယနေရာဖြင့် ရှုံးထွက်အဆင့်သို့တက်ရောက်နိုင်မည်ဖြစ်သည်။

အုပ်စု (င) တွင် အုပ်စုနောက်ဆုံးပွဲစဉ်အတိုင်မီကပင် ပြတ်သားသည့်ရလဒ်ထွက်ပေါ်ခဲ့ပြီး ဗီလာရီးရဲလ်နှင့် ရပစ်ဝီယန်တို့ နောက်တစ်ဆင့် တက်နိုင်ခဲ့ကြသည်။ ဗစ်တိုးရီးယားပယ်လ်ဇန်နှင့်ဒိုင်နမိုမင့်စ်တို့မှာ ပြိုင်ပွဲမှ ထွက်ခွာခဲ့ရပြီဖြစ်ပြီး အုပ်စုနောက်ဆုံးပွဲစဉ်တွင် ရပစ်ဝီယန်နှင့်ဒိုင်နမိုမင့်စ်၊ ပယ်လ်ဇန်နှင့်ဗီလာရီးရဲလ်တို့ အသီးသီး ယှဉ်ပြိုင်ရမည်ဖြစ်သည်။

အုပ်စု (စ) တွင် ရှုံးထွက်အဆင့်သို့ တက်ရောက်နိုင်ခဲ့သည့်အသင်းမှာ ပေါ်တူဂီကလပ် စပို့တင်းဘရာဂါအသင်းဖြစ်ပြီး ဂရိုနင်ဂျန်အသင်းမှာ ပြိုင်ပွဲမှ ထွက်ခွာရပြီဖြစ်သည်။
မာဆေးနှင့် ဆလိုဗန်လီဘာရက်တို့မှာ အုပ်စုဒုတိယနေရာအတွက် အုပ်စုနောက်ဆုံးပွဲစဉ်တွင်ဆက်လက်တိုက်ပွဲဝင်ရဦးမည်ဖြစ်သည်။ မာဆေးအသင်းမှာ နောက်တစ်ဆင့်တက်ရန် သရေတစ်မှတ်သာလိုအပ်ပြီး အုပ်စုနောက်ဆုံးပွဲစဉ်တွင် ဆလိုဗန်လီဘာရက်နှင့်မာဆေးတို့ ထိပ်တိုက်တွေ့ဆုံကြမည်ဖြစ်ရာ အဆိုပါပွဲစဉ်မှာ အုပ်စုဒုတိယနေရာအတွက် အဆုံးအဖြတ်ဖြစ်လာမည်ဖြစ်သည်။

အုပ်စု (ဆ) တွင် လာဇီယိုနှင့်စိန့်အက်တီယန်တို့ နောက်တစ်ဆင့် တက်နို င်ခဲ့ပြီး ဒီနီပရိုနှင့်ရိုဆင်ဘော့တို့မှာ အုပ်စုပွဲစဉ်မပြီးဆုံးမီမှာပင် ပြိုင်ပွဲမှ ထွက်ခွာသွားခဲ့ရသည်။ လာဇီယိုက အုပ်စုပထမနေရာ သေချာနေပြီး အုပ်စုနောက်ဆုံးပွဲစဉ်တွင် စိန့်အက်တီယန်နှင့်ထိပ်တိုက် ယှဉ်ပြိုင်ရမည်ဖြစ်သည်။

အုပ်စု (ဇ) တွင် ရှုံးထွက်အဆင့်တက်ရောက်နိုင်သည့်အသင်းအဆုံးအဖြတ်အဖြစ် အုပ်စုနောက်ဆုံးပွဲစဉ်က ဆုံးဖြစ်ပေးမည်ဖြစ်ပြီး ဘက်ဆီးတပ်စ်၊ လိုကိုမိုးတစ်မော်စကိုအသင်းနှင့် စပို့တင်းလစ္စဘွန်းအသင်းတို့မှာ ရှုံးထွက်အဆင့်၂နေရာအတွက်
အကြိတ်အနယ် ဆက်လက်ယှဉ်ပြိုင်ရဦးမည်ဖြစ်သည်။ အုပ်စုနောက်ဆုံးပွဲစဉ်တွင် စပို့တင်းလစ္စဘွန်းနှင့်ဘက်ဆီးတပ်စ်၊ စကန်ဒါဗျူနှင့် လိုကိုမိုတစ်မော်စကိုတို့ ယှဉ်ပြိုင်ကစားရမည်ဖြစ်ရာ အနိုင်ရသည့် နှစ်သင်းက ရှုံးထွက်အဆင့်သို့ တက်ရောက်နိုင်မည်ဖြစ်သည်။

အုပ်စု (ဈ) တွင် ဘေဆယ်အသင်းမှာ နောက်တစ်ဆင့်သို့ စောစီးစွာ တက်ရောက်နိုင်ခဲ့ပြီး ဖီအိုရင်တီးနားမှာ ဘေဆယ်ကို
သရေကျခဲ့သဖြင့် နောက်တစ်ဆင့်တက်ရောက်နိုင်ရေးအတွက် လက်ခ်ျပေါ့ဇနန်၊ ဘယ်လန်နီးဆပ်စ်တို့နှင့် ဆက်လက်ယှဉ်ပြိုင်ရမည်ဖြစ်သည်။ ဖီအိုရင်တီးနားမှာ အုပ်စုနောက်ဆုံးပွဲစဉ်တွင် ဘယ်လ်နန်းဆက်အသင်းကို အိမ်ကွင်းတွင်လက်ခံကစားရမည်ဖြစ်ရာ ရှုံးထွက်အဆင့်သို့ တက်ရောက်နိုင်ရန် အခြေနေကောင်းနေသည်။

အုပ်စု (ည) တွင် စပါးအသင်းက နောက်တစ်ဆင့်တစ်ရောက်သွားပြီဖြစ်ပြီး ကျန် တစ်နေရာအတွက် အန်ဒါလက်ခ်ျ၊ မိုနာကိုနှင့်ကာရာဘတ်တို့ အပြိုင်ကြိုးပမ်းကြရဦးမည်ဖြစ်သည်။ လက်ရှိအုပ်စုဒုတိယနေရာမှ အန်ဒါလက်ခ်ျအသင်းမှာ အုပ်စုနောက်ဆုံးပွဲစဉ်တွင် ကာရာဘတ်ကို အိမ်ကွင်းတွင် လက်ခံ ယှဉ်ပြိုင်ရမည်ဖြစ်ရာ ရှုံးထွက်အဆင့်သို့တက်ရောက်နိုင်ရေး အခြေနေအကောင်းဆုံးဖြစ်နေသည်။

အုပ်စု (ဋ) တွင်လည်း ပြတ်သားသည့် ရလဒ်များထွက်ပေါ်လာခဲ့ပြီဖြစ်သည်။ ရှော်ကေးနှင့်စပါတာပရပ်ဂ်တို့ ရှုံးထွက်အဆင့်သို့ တက်ရောက်သွားပြီး ထရီပိုးလစ်နှင့်အေပိုးလ်တို့ ပြိုင်ပွဲမှ ထွက်ခွာလိုက်ရပြီဖြစ်သည်။ အုပ်စုနောက်ဆုံးပွဲစဉ်တွင် အေပိုးလ်နှင့်စပါတာပရပ်ဂ်၊ ထရီပိုးလစ်နှင့်ရှော်ကေးတို့ အသီးသီး ယှဉ်ပြိုင်ရမည်ဖြစ်သည်။

အုပ်စု (ဌ) တွင် ဘီလ်ဘာအိုအသင်းက နောက်တစ်ဆင့် တက်ရောက်နိုင်ခဲ့ပြီး အော့စ်ဘတ်အသင်းမှာ ဘီလ်ဘာအိုကို ရှုံးနိမ့်ခဲ့သဖြင့် နောက်တစ်ဆင့်တက်ရန် မျှော်လင့်ချက် မှေးမှိန်သွားခဲ့ရသည်။ အယ်ခမာအသင်းမှာ ပါတီဇန်ကို အိမ်ကွင်းတွင် မမျှော်လင့်ဘဲ ရှုံးနိမ့်ခဲ့ပြီး ပြိုင်ပွဲမှ ထွက်ခွာခဲ့ရသည်။ အုပ်စုနောက်ဆုံးပွဲစဉ်တွင် ပါတီဇန်နှင့်အော့စ်ဘတ်၊ ဘီလ်ဘာအိုနှင့်အယ်ခမာတို့ ယှဉ်ပြိုင်ရမည်ဖြစ်ပြီး ပါတီဇန်မှာ အော့စ်ဘတ်ကို သရေကျရုံဖြင့် နောက်တစ်ဆင့်သို့ တက်ရောက်နိုင်မည်ဖြစ်သည်။

comments

error: Content is protected !!