ကမ္ဘာ့ဖလားပြိုင်ပွဲအတွင်းရရှိခဲ့သည့် လက်ဆောင်နာရီများအား ရောင်းချမည်

Share on Facebook0Tweet about this on TwitterShare on Google+0Share on Reddit0
4
နာရီလက်ဆောင်ရယူသူများအနက် ပါဝင်ခဲ့သည့် ဘလတ္တာနှင့် ပလာတီနီ

ကမ္ဘာ့ဘောလုံးအဖွဲ့ချုပ်တာဝန်ရှိသူများသည် ၂၀၁၄ ကမ္ဘာ့ဖလားပြိုင်ပွဲအတွင်း ဘရာဇီးဘောလုံးအဖွဲ့ချုပ်မှ အမှတ်တရလက်ဆောင်အဖြစ်ပေးအပ်ခဲ့သည့် အဖိုးတန်နာရီ ၆၅ လုံးအား ပြန်လည်ရောင်းချမည်ဖြစ်ပြီး အဆိုပါရောင်းရငွေများအား လူမှုရေးအဖွဲ့အစည်းများသို့ ပေးလှူသွားမည်ဖြစ်ကြောင်း သတင်းထုတ်ပြန်ခဲ့သည်။

ဘရာဇီးဘောလုံးအဖွဲ့ချုပ်တာဝန်ရှိသူများသည်  ၂၀၁၄ ကမ္ဘာ့ဖလားပြိုင်ပွဲကျင်းပခဲ့စဉ်က ဖီဖာဥက္ကဋ္ဌ ဆပ်ဘလတ္တာ၊ ယူအီးအက်ဖ်အေဥက္ကဋ္ဌ မစ်ချယ်ပလာတီနီ၊ အင်္ဂလန်ဘောလုံးအဖွဲ့ချုပ်ဥက္ကဋ္ဌ ဂရက်ဒိုက်ခ်တို့အပါအ၀င် ဘောလုံးလောကထိပ်သီး ပုဂ္ဂိုလ် ၆၅ ဦးတို့အားပေါင် ၁၆၀၀၀ တန် အဖိုးတန်နာရီများပေးအပ်ခဲ့သည့်အတွက် ဝေဖန်မှုများနှင့် ရင်ဆိုင်ခဲ့ရပြီးနောက် ယင်းနာရီများအား ဖီဖာသို့ပြန်လည်အပ်နှံရန် ဖိအားပေးခံခဲ့ရသည်။

ဖီဖာ၏ သတင်းထုတ်ပြန်ချက်တွင် ဘရာဇီးဘောလုံးအဖွဲ့ချုပ်မှ လက်ဆောင်အဖြစ်ပေးအပ်ခဲ့သည့် နာရီများမှာ ဖီဖာ၏ စည်းမျဉ်းဥပဒေများအရ ငြိစွန်းနေသည့်အတွက် အားလုံးပြန်လည်ရောင်းချမည်ဖြစ်ကြောင်း၊ ရောင်းချရရှိမည့် ပေါင် ၇၆၈၀၀၀ အား အစိုးရမဟုတ်သည့် လူမှုရေးအဖွဲ့အစည်းများသို့ လှူဒါန်းသွားမည်ဖြစ်ကြောင်း အတည်ပြုသတင်းထုတ်ပြန်ခဲ့သည်။

comments

error: Content is protected !!