ကျွန်တော်နေမကောင်းလို့ ဖုန်းဆက်ပြီးပဲအကြောင်းကြားလိုက်ရလို့ နားလည်မှုလွဲသွားတာပါ

Share on Facebook0Tweet about this on TwitterShare on Google+0Share on Reddit0
usewebmm
ပဏာမယူ၂၁လူစာရင်းကနေထုတ်ပယ်ခံရသည့် သီဟထက်အောင်၏ ယူကရိန်းနှင့် ပွဲစဉ်မှ ယှဉ်ပြိုင်ကစားဟန်။

မြန်မာယူ-၂၁ အသင်း ပဏာမလူစာရင်းကနေထုတ်ပယ်ခံလိုက်ရတဲ့ သီဟထက်အောင်နှင့်တွေ့ဆုံမေးမြန်းခြင်း။

နိုဝင်ဘာ၁၇။

မေး-မြန်မာယူ-၂၁ ရဲ့ပဏာမလူစာရင်းကနေထုတ်ပယ်ခံရတယ်။ စည်းကမ်းမကောင်းလို့ဆိုပြီးထုတ်ပယ်ခံရတော့ ညီလေးကဘယ်လိုဖောက်ဖျက်လို့ အထုတ်ခံရတာလဲ။
သီဟထက်အောင်- အသင်းကို ပူးပေါင်းရမယ့်နေ့က ကျွန်တော်နေမကောင်းလို့မလာဖြစ်တာပါ။ အဲ့ဒီအကြောင်းကို ဆရာဦးညီလတ်ဆီဖုန်းဆက်အကြောင်းကြားပါတယ်။ တကယ်တမ်းက ဘာကြောင့်ဆိုတာ စာတင်ရမှာပါ။ ကျွန်တော်က ဖုန်းဆက်ပြီးပဲပြောလိုက်တာကြောင့်နားလည်မှုလွဲသွားတယ်ထင်ပါတယ်။

မေး-နေမကောင်းဖြစ်ရတဲ့အကြောင်းကဘာကြောင့်များလဲ။
သီဟထက်အောင်-ကျွန်တော်မဖျားခင်တရက်က ရန်ကုန်ယူနိုက်တက်ရဲ့ ဂုဏ်ပြုပွဲမှာ ညနက်ပြီး အိမ်ပြန်တာနောက်ကျသွားတယ်။ မနက်ကျတော့ ညောင်းကိုက်ပြီးနေမကောင်းဖြစ်နေတော့ ကျွန်တော် ကမ့်ကိုမလာနိုင်တဲ့အကြောင်း ဖုန်းဆက်ပြောဖြစ်လိုက်တာပါ။

မေး- အသင်းကနေထုတ်ခံရတာရော သိပါသလား။
သီဟထက်အောင်-နောက်တရက် လက်ရွေးစင်နဲ့ ယူ-၂၁ ခြေစမ်းပွဲမတိုင်မီ လက်ရွေးစင်ဟောင်းတွေကို ကန်တော့တော့လည်း ကျွန်တော်ဝင်ကန်တော့ပါသေးတယ်။ ကျွန်တော် အသင်းနဲ့ပူးပေါင်းဖို့ ဆရာတွေကိုမေးပေမယ့် ဖုန်းဆက်ပြီးပြောမယ်လို့ပဲပြောတယ်။ ကျွန်တော်အကြိမ်ကြိမ်ဖုန်းဆက်ပြီးမေးပေမယ့် မပြောပါဘူး။ အခုလိုသတင်းစာမျက်နှာတွေမှာကျွန်တော့သတင်းတက်လာတော့မှ အသင်းလူစာရင်းကနေ ထုတ်ပယ်ခံရတာသိပါတယ်။

မေး-နေမကောင်းဖြစ်တာနဲ့ပတ်သက်ပြီးဆရာဝန်ပြတာမျိုးရောရှိပါသလား။
သီဟထက်အောင်-ကျွန်တော်ဆရာဝန်မပြဖြစ်ပါဘူး။ တစ်ကိုယ်လုံးညောင်းကိုက်တာအရင်ကလိုဖြစ်တာပဲဆိုပြီး ဆေးပဲသောက်လိုက်တာပဲရှိပါတယ်။

မေး- စည်းကမ်းမကောင်းလို့ထုတ်ခံရတယ်ဆိုပြီးပြောနေတဲ့အပေါ်ဘာများပြောခြင်ပါသလဲ
သီဟထက်အောင်-ကျွန်တော် ကမ္ဘာ့ဖလားတုန်းကလဲဒီလိုမျိုးဖြစ်ဖူးလို့ ပရိသတ်တွေက ကျွန်တော်စည်းကမ်းမကောင်းတဲ့သူလို့ မြင်နေမှာစိုးရိမ်မိတယ်။ ကျွန်တော်အခုကိစ္စမှာလဲ တကယ်နေမကောင်းလို့အသင်းနဲ့မပူးပေါင်းနိုင်ဘဲဖြစ်သွားရတာပါ။ ဒီအတွက်အရမ်းစိတ်မကောင်းဖြစ်ရပါတယ်။

မေး-အခုကိစ္စရပ်နဲ့ပတ်သက်ပြီးညီလေးဘယ်လိုဆက်လုပ်ဖို့အစီစဉ်ရှိသလဲ။
သီဟထက်အောင်-ကျွန်တော်အခုကိစ္စရပ်နဲ့ပတ်သက်ပြီးအဖွဲ့ချုပ်ဥက္ကဋ္ဌ ဦးဇော်ဇော်အပါအဝင်သက်ဆိုင်ရာဆရာတွေအားလုံးကို တောင်းပန်မှာပါ။ ဒီအတွက်ကျွန်တော်စာရေးထားတာလေး တွေလည်းရှိပါတယ်။စာရေးပြီးလည်း တောင်းပန်ဖို့အစီစဉ်ရှိပါတယ်။

comments

error: Content is protected !!