လမ်းမှာ အိပ်တဲ့ ယုန်တွေ မျိုးပွားမလာဖို့

000

လက်​စ​တာ​ စီးတီး အသင်းသားများ အောင်ပွဲခံနေစဉ်။

‘ ​ခေတ်​က​ပြောင်း​နေ​ပြီ၊ ​ပြောင်း​သော​ခေတ်​သည်​ စာ​အုပ်​မ​ဖတ်၊ ​စာ​အုပ်​ဖတ်​သော​ခေတ်​ မ​ဟုတ်​တော့။ ​တစ်​ချိန်​က ‘​ရ​သ​စာ​ပေ​သေ​ဆုံး​ခြင်း’​ ဆို​ပြီး ​ကျွန်​တော်​တို့​မှာ ​စာ​တမ်း​တွေ ​ရေး​တင်​လို့​မ​ဆုံး​ကြ။ ​စာ​အုပ်​ဆိုင်​တွေ​ပေါ် ‘​တက်​ကျမ်း’​ တွေ​ အ​လု​အ​ယက်​ရောက်​လာ​ကြ​သည်။ ​ဘ၀​အောင်​မြင်​ရေး​ ဒိုင်​ယာ​လော့ခ်​တွေ​ကြား​မှာ ​မျော​လို့၊ ​ပါ​လို့။ ​အ​ရှုံး​မ​ပေး​နဲ့​ မိ​ငယ်​ရေ.. ​တွေ​ချည်း​ပဲ​ဖြစ်​လာ​သည်။ ​

ဘယ်​သူ​ကြည့်​ကြည့် ​ဘေ​ဘီ​လုံ​မှာ​ အ​ချမ်း​သာ​ဆုံး​ ပု​ဂ္ဂိုလ်​တွေ​ လမ်း​သ​လား​နေ​ကြ​သ​လို၊ ​မ​ဖြစ်​နိုင်​ဘူး​ဆို​တာ ​သေ​ချာ​နေ​ပြီ​လား​ ဆို​သော​ မေး​ခွန်း​တစ်​ခု​ကို ​က​လေး​ငယ်​တွေ​တောင်​ အ​လွတ်​ရ​နေ​ကြ​ပေါ့။ ​အောင်​နိုင်​ရေး​ နည်း​လမ်း​များ၊ ​လဲ​ကျ​နေ​ရာ​က ​ပြန်​လာ​ခြင်း​များ၊ ​အ​ရှုံး​မှ​အ​နိုင်​သို့​ ကူး​ပြောင်း​ရေး ​ဦး​ထုပ် ၁၆​လုံး၊ ​စ​သည်​ဖြင့်။ ​လူ​တိုင်း​ဖတ်​သော ​တက်​ကျမ်း​တွေ​နှင့်​အ​တူ ​လူ​တိုင်း​သိ​သော ​တက်​လမ်း​တွေ​အောင်​မြင်​ပါ​ရဲ့​လား..။

ဒီ​ရာ​သီ​ ပ​ရီး​မီး​ယား​လိဂ်​မှာ ​တက်​ကျမ်း​စာ​အုပ်​ကြီး​ဘေး​ချ​ပြီး ​က​စား​နေ​သ​လို​ အ​သင်း​တစ်​သင်း​မြင်​တွေ့​ရ​ပါ​သည်။ ​ဘယ်​အ​ခြေ​အ​နေ၊ ​ဘယ်​လို​နစ်​မွန်း​မှု​ မျိုး​ကြုံ​တွေ့​နေရ​ပါ​စေ၊ ​တိုက်​ခိုက်​အောင်​နိုင်​ရေး​စိတ်​ဓာတ်​ဖြင့် ​မှန်​ကန်​သော​ ဆိုက်​ရောက်​မှု​ဆီ ​ခို​ဝင်​နား​နိုင်​ကြ​မြဲ။
‘​လက်​စ​တာ’​လေ။
ရာ​သီ​အ​စ​မှာ ​ပ​ရီး​မီး​ယား​လိဂ်​သို့​ နည်း​ပြ​ဟောင်း၂​ဦး​ပြန်​လည် ​ရောက်​ရှိ​လာ​ခဲ့​သည်၊ ​တစ်​ဦး​က ​မ​က္က​လာ​ရင်၊ ​န​ယူး​ကာ​ဆယ်​ ဆီ​သို့။ ​နောက်​တစ်​ဦး​က ​ရေ​နီ​ယာ​ရီ။ ​လက်​စ​တာ​ ဆီ​သို့။ ​ပီ​ယာ​ဆန်​ထား​ခဲ့​သော ​သာ​မန်​အ​သင်း​တစ်​သင်း​ထက် ​ပို​သည်​ဆို​ရုံ ​လက်​စ​တာ​လို​ အ​သင်း​မျိုး ​ရေ​နီ​ယာ​ရီ​နှင့်​ လက်​တွဲ​ရ​ခြင်း​အ​တွက် ​အိပ်​မက်​ကောင်း​ မက်​ခွင့်​ရ​တာ​ပဲ​ဟု ​ကျွန်​တော်​ ယုံ​လည်း​ယုံ၊ ​ရေး​လည်း​ရေး​ခဲ့​ဖူး​သည်။ ​အ​ရှုံး​တွေ​စင်​မ​သွား​နိုင်​ပါ​ဘူး။ ​လမ်း​ပျောက်​နေ​သော​ မြေ​ခွေး​တွေ ​ကျွန်​တော်​တို့​မြင်​တွေ့​နေ​ရ​ဦး​ မည်​သာ​ဖြစ်​သည်။ ​တစ်​ပွဲ​နိုင်​မည်။ ​တစ်​ပွဲ​ထက်​မ​က​ ရှုံး​ပွဲ​များ​ပြန်​တွေ့​လိမ့်​ဦး​မည်။ ​လက်​စ​တာ​သည် ​တန်း​ဆင်း​ရ​ဖို့ ​ပူ​ပန်​နေ​သော ​လက်​စ​တာ​မ​ဖြစ်​နိုင်​တော့။ ​ကျွန်​တော်​အဲ့​ဒီ​လို​ပဲ​တွေး​လို့​ရ​ခဲ့​သည်။

သို့​သော် ​သူ​တို့​သည်​ ပ​ထ​မ​ဆုံး​ရှုံး​ပွဲ​ကို ​ပွဲ​စဉ်(၈)​ကျ​မှ ​အာ​ဆင်​နယ်​နှင့်​ အ​တွေ့​မှာ ​ရင်​ဆိုင်​ရ​လေ​သည်။ ​အ​ခု​လို​ပွဲ​စဉ် ၉အ​ပြီး​မှာ ​ရောက်​နေ​သော ​အ​ဆင့်​က၅။ ​ဘယ့်​နှယ်​ပါ​လိမ့်။ ​ပြီး​တော့ ​အ​ဆင့်၅ တွင်​ အ​တည်​ပေါက်​ ရပ်​တည်​နေ​သော​ အ​သင်း​က ​ပေး​ဂိုး ၁၇ဂိုး ​ပေး​ထား​ ရ​ပြန်​သေး​သ​တဲ့။ ​သူ​တို့​ထက်​ ဂိုး​ပို​ပေး​ထား​သော​ အ​သင်း​ဆို​လို့ ​နော​ဝစ်​ခ်ျ၊ ​န​ယူး​ကာ​ဆယ်​နှင့်​ ဆန်း​ဒါး​လန်း​တို့​လား​ရှိ​တော့​သည်။ ​တ​ကယ့်​ အ​ဆန်း​တွေ​ပဲ။ ​ထို့​ပြင်​ သွင်း​ယူ​ထား​သော ​ဂိုး​များ​ကြည့်​တော့​လည်း ​သူ​တို့​ထက်​ အ​လုပ်​ပို​ဖြစ်​ခဲ့​သော ​အ​သင်း​များ​ဆို​လို့ ​မန်​စီး​တီး​နှင့်​ ဝက်စ်​ဟမ်း​သာ​ရှိ​သည်။ ​ရေ​နီ​ယာ​ရီ​တင်​သွင်း​လာ​သော​ပြ​ဇာတ်​ အ​မည်​ကို​ပဲ ​ကျွန်​တော်​တို့​ အ​ချိန်​တိုင်း​ လိုက်​ဖတ်​နေ​ခဲ့​ရ​ပြီ။ ​ဒီ​ပြ​ဇာတ်​မျိုး ​သူ​ဘယ်​လို​များ​ တင်​ဆက်​နိုင်​ခဲ့​တာ​ပါ​လိမ့်။ ​ကျွန်​တော်​တို့​ဖြတ်​သန်း​ခဲ့​ဖူး​ပြီ​ဖြစ်​သော ​ပ​ရီး​မီး​ယား​လိဂ်​သ​မိုင်း​မှတ်​တမ်း​များ​တွင် ​ဒီ​လို​အ​သင်း​မျိုး​ မ​ကြုံ​တွေ့​ဖူး​ခဲ့​တာ ​သေ​ချာ​သည်။

ရေ​နီ​ယာ​ရီ​လို ​ဥ​ရော​ပ​တစ်​ခွင်​ လှည့်​လည်​ နည်း​ပြ​ခဲ့​သူ​တစ်​ဦး​ အ​နေ​ဖြင့် ​သူ့​အ​သင်း​သစ်​၏ ​အား​သာ​ချက်၊ ​အား​နည်း​ချက်​များ​ကို​ ရှာ​မ​တွေ့​နိုင်​ဖို့​ ဘာ​အ​ကြောင်း​မှ​ရှိ​မ​နေပါ။ ​ခံ​စစ်​က​ စ​ကြည့်​လျှင် ​ဂိုး​သ​မား ​ကက်စ်​ပါ​ရှ​မိုက်​ကယ်​သာ ​မ​ကယ်​ခဲ့​ပါ​က ​သူ​တို့​အ​ခု​ထက်​ ဂိုး​တွေ​ရွှဲ​ရွှဲ​စို​နေ​ကြ​ဖို့​ပဲ​ ရှိ​ပါ​သည်။ ​အ​ဓိ​က​ ဗ​ဟို​နောက်​ခံ​လူ​နှစ်​ဦး​ဖြစ်​သော ​ရော​ဘတ်​ဟု​ခ်ျ​နှင့် ​ဝက်စ်​မော်​ဂန်​တို့​ နှစ်​ဦး​လုံး ၃၁ နှစ်​စီ​ရှိ​နေ​ကြ​ပြီ။ ​ငယ်​ရွယ်​သော​ ခံ​စစ်​မှုး​များ​ မ​ဟုတ်​ကြ​တော့​ဟု ​သံ​သ​ယ​တစ်​ဝက်​ဖြင့်​ ကြည့်​ရှု​နိုင်​မည်​ဖြစ်​သ​လို ​အ​ခြား​တစ်​ဖက်​က ​ကြည့်​လျှင်​လည်း ​ခံ​စစ်​မှုး​တစ်​ဦး​၏ ​အ​ကောင်း​ဆုံး​အ​သက်​အ​ရွယ်​ထဲ​ ရောက်​ရှိ​နေ​ကြ​သူ​များ​ဟု​ ဆို​လို့​လည်း​ ရ​နိုင်​ပါ​သေး​သည်။ ​သို့​သော် ​ဂျ​မေ​ကာ​ခံ​စစ်​မှုး ​ဝက်စ်​မော်​ဂန်​က ​အ​သင်း​ကြီး​ အ​တွေ့​အ​ကြုံမ​ရှိ။ ​နော်​တင်​ဟမ်​ဖော​ရက်စ်​နှင့် ​လက်​စ​တာ​မှာ​သာ ​က​စား​သ​မား​ကို​ ကုန်​ဆုံး​ခံ​တော့​မည့်​ ပုံ​စံ​မျိုး​ရှိ​ခဲ့​ပြီး ​လက်​ရှိ​ကြုံ​နေ​ရ​သော ​ဖိ​အား​မျိုး ​သူ​ခံ​စား​ဖူး​ခြင်း​မ​ရှိ​ခဲ့။ ​ရော​ဘတ်​ဟု​ခ်ျ​ ကျ​တော့​လည်း ​ချဲယ်​ဆီး​မှာ​ က​စား​ဖူး​သည်​ ဆို​ပေ​မယ့် ​အ​ရန်​က​စား​သ​မား​ အ​ဆင့်​ ထက်​ပို​ခဲ့​တာ​မ​ဟုတ်။ ​ကံ​အား​လျော်​စွာ ​ပွဲ​ထွက်​က​စား​ခွင့်​ ရ​ခဲ့​သော​ပွဲ​များ​တွင်​ပင် ​အ​မှား​အ​ယွင်း​ လုပ်​ခဲ့​သည်​တွေ​က​ ဖျောက်​ဖျက်လို့​ရ​နိုင်​ဦး​မည့်​သူ ​မ​ဟုတ်​ပါ။ ​မစ်​ဒယ်​ဘ​ရော့​နှင့်​ စ​တုတ်​စီး​တီး​အ​သင်း​များ​သို့​ ရောက်​သွား​သော​အ​ခါ ​သူ့​အ​ဆင့်​နှင့် ​ဒီ​လောက်​ဆို ​အ​တော်​ပဲ​ အ​ထင်​ရောက်​ခဲ့​ကြ​ဖူး​ပြန်​ပေ​မယ့် ​ဘာ​မှ​ဖြစ်​လာ​အောင် ​လုပ်​ပြ​နိုင်​ခြင်း​ မ​ရှိ​ခဲ့​သူ​ဖြစ်​သည်။ ​ရေ​နီ​ယာ​ရီ​ မ​သိ​မ​ဟုတ်၊ ​သိ​နိုင်​လိမ့်​မည်​သာ၊ ​သို့​သော် ​သူ့​တွင်​ရွေး​ရန်​မ​ရှိ။ ​ဆင်​ပ​ဆင်၊ ​ဒီ​လတ်​စ​သော ​က​စား​သ​မား​တွေ​က ​ရေ​နီ​ယာ​ရီ​ဆွဲ​တင်​နေ​နိုင်​သည် ​များ​က ​သူ​တို့​အ​တွက်​မြင့်​သ​လို​ဖြစ်​နေ​တုန်း။

ဒီ​တော့ ​အ​သုံး​မ​ကျ​သော​ ခံ​စစ်​ကို ​တိုက်​စစ်​ဖြင့်​ကာ​ဖို့ ​ဆေး​မြီး​တို​ နည်း​အား​ဖြင့်​ ရေ​နီ​ယာ​ရီ​ ဆုံး​ဖြတ်​နိုင်​ခဲ့​သည်။ ​ပီ​ယာ​ဆန်​ လက်​ထက်​မှာ​က​တည်း​က ​ထွန်း​ကား​လာ​ဖို့ ​အ​သွင်​သ​ဏ္ဍာန်​များ​ရှိ​နေ​သော ​မာ​ရက်ဇ်၊ ​ဗာ​ဒီ​တို့​နှစ်​ယောက်​နှင့်​ တွဲ​ဖက်​ပေး​ဖို့ ​နာ​သန်​ဒိုင်​ယာ၊ ​အို​ကာ​ဇာ​ကီ​တို့​ကို​ ဝယ်​ယူ​ပြီး ​အား​ဖြည့်​ခဲ့​သည်။ ​သူ့​လက်​ထဲ​တွင် ​ဒ​ရင့်​ဝါး​တား(​အ​င်္ဂ​လန်)၊ ​ရှာ​လပ်(​ဂါ​နာ)၊ ​အယ်လ်​ဘ​ရိုက်​တန်(​အ​င်္ဂ​လန်)​တို့​က​လည်း ​လုပ်​အား​နှုန်း​ ပို​မို​ကောင်း​မွန်​ လာ​ခဲ့​ကြ​တာ​ သေ​ချာ​သည်။ ​ရေ​နီ​ယာ​ရီ​သည် ​မ​အောင်​မြင်​သော​ ခံ​စစ်​နှင့်​အ​တူ ​ဂိုး​တွေ​ပေး​နေ​ရ​မှာ ​ကြောက်​ပြီး ​ထိန်း​က​စား​နေ​လျှင် ​ရ​သင့်​သော​အ​မှတ်​များ​ပင်​ ဆုံး​ရှုံး​ပြီး ​အ​သင်း​က​လည်း​ သာ​မန်​ရုပ်​ထွက်​ထက် ​ပို​မည်​မ​ဟုတ်​ဆို​တာ​ကို ​မြင်​နိုင်​ခဲ့​သည်။ ​ဒီ​တော့ ​ဘယ်​အ​သင်း​နှင့်​တွေ့​တွေ့၊ ​ဖွင့်​က​စား​နေ​သော ​လက်​စ​တာ​များ​ကို​ သာ​မြင်​တွေ့​ကြ​ရ​လေ​သည်။ ​အာ​ဆင်​နယ်​ကို​ ရှုံး​နိမ့်​ခဲ့​သော​ပွဲ​တွင်​လည်း ​အ​ဖွင့်​ဂိုး​ကို​ သွင်း​နိုင်​ခဲ့​သေး​ပေ​မယ့် ​အာ​စင်​ဝင်း​ဂါး​က ​နည်း​ဗျူ​ဟာ​ပိုင်း​အ​ရ ​အ​နိုင်​ယူ​ခဲ့​လို့​သာ ​ရှုံး​ပွဲ​ကြုံ​တွေ့​ခဲ့​ရ​ခြင်း​ဖြစ်​သည်။ ​သူ​တို့​ကို ​စိတ်​တိုင်း​ကျ​ တိုက်​စစ်​ဆင်​ခွင့်​ပေး​ခဲ့​ပြီး ​ယုံ​ကြည်​မှု​တစ်​ခု​ဖြင့်​ ကျွံ​ထွက်​လာ​ချိန်​များ​တွင် ​လျင်​မြန်​သော​ တန်​ပြန်​တိုက်​စစ်​ဆင်​မှု​များ ​မှ​တစ်​ဆင့် ၅ ​ဂိုး​တိ​တိ​သွင်း​ယူ​နိုင်​ခဲ့​လို့​သာ ​အ​ခု​လို​ရှုံး​နိမ့်​ရ​လေ​ခြင်း။

တ​ကယ်​တော့ ​သူ​တို့​တွင် ​အံ့​သြ​စ​ရာ​ အ​ကောင်း​ဆုံး​က ​ရှုံး​နေ​ရာ​မှ ​ပြန်​လိုက်​ခဲ့​ကြ​သော​ ပွဲ​များ ၅ ​ပွဲ​တိ​တိ​ရှိ​ခဲ့​ခြင်း​ပဲ​ဖြစ်​သည်။ ​ပ​ထ​မ​ဆုံး​ပွဲ​က ​စ​ပါး​နှင့်​ပွဲ။ ၈၁ မိ​နစ်​တွင် ​စ​ပါး​ကွင်း​လယ်​လူ​အ​လီ​က ​ဦး​ဆောင်​ဂိုး​သွင်း​သည်။ ​တစ်​မိ​နစ်​သာ​ခြား​ပြီး ​မာ​ရက်ဇ်​က ​ချေ​ပ​နိုင်​ခဲ့​လေ​သည်။ ​ဘုန်း​မောက်​နှင့်​ ပွဲ​မှာ​လည်း ​ကယ်​လွန်​ဝီလ်​ဆင်​၏ ​ဦး​ဆောင်​ဂိုး​ကို ​ဗာ​ဒီ​၏ ​နောက်​ကျ​ ပင်​နယ်​တီ​ဖြင့်​ ချေ​ပ​နိုင်​ခဲ့​သည်။ ​နောက်​တစ်​ပွဲ​ကျ​တော့ ​ပုံ​မှန်​မှ​ဟုတ်​သေး​ရဲ့​လား​ ကျွန်​တော်​တို့​ မ​တွေး​ဘဲ​ မ​နေ​နိုင်​ကြ​တော့။ ​ဗီ​လာ​၏​ ဦး​ဆောင်​ဂိုး​ နှစ်​ဂိုး​ကို ​ချေ​ပ​နိုင်​ရုံ​မ​က ​အ​နိုင်​ဂိုး​ပင်​သွင်း​ယူ​ နိုင်​ခဲ့​ပြန်​သည်။ ​ဗာ​ဒီ​ပဲ၊ ၂၈ နှစ်​ရှိ​ပြီ​ဖြစ်​သော ​အ​င်္ဂ​လန်​ တိုက်​စစ်​မှုး​တစ်​ဦး​၏​ ဂိုး​သွေးကြွမှု​ကို ​ကျွန်​တော်​တို့​ အ​ထ​ချင်း​ချင်း​ လက်​တို့​ကြ​ရ​လေ​ပြီ။ ​ကပ်​လျက်​က​စား​သော ​စ​တုတ်​စီး​တီး​နှင့်​ပွဲ​မှာ ​ကာ​ကစ်​နှင့်​ ဝေါ်လ်​တာ​တို့ ​ဂိုး​တွေ​လည်း​သွင်း​လိုက်​ရော ‘​ပွဲ​သိမ်း’​ဟု ​ကျွန်​တော်​တို့​ လက်​ချင်း​ရိုက်​ဖြစ်​ခဲ့​ကြ​သည်။ ​ဒီ​တစ်​ခါ​တော့ ​သူ​တို့​ပြန်​လာ​နိုင်​တော့​ပါ​ဘူး။ ​ပြိုင်​ဘက်​က ​စ​တုတ်၊ ​က​စား​နေ​တာ​က ​အ​ဝေး​ကွင်း။ ​ပြီး​ပြီ​ပေါ့။ ​သို့​သော်၆၉ မိ​နစ်​အ​ရောက်​မှာ ​ချေ​ပ​ခြင်း​ အ​မှု​ပြီး​ဆုံး​ခဲ့​ပြီ။ ​နောက်​ဆုံး​ပွဲ​က​တော့ ​လတ်​လတ်​ဆတ်​ဆတ်၊ ​စိန့်​မေ​ရီ​မှာ ​သူ​တော်​စင်​တို့​၏​ ဦး​ဆောင်​ဂိုး​နှစ်​ဂိုး​ကို ​မိ​နစ် ၉၀ အ​ရောက်​မှာ ​အ​မှား​အ​ယွင်း​မ​ရှိ​ ချေ​ပ​နိုင်​ခဲ့​ကြ​ပြန်​သည်။ ​လွန်​သွား​ပြီ။ ​သိပ်​ကို​နား​လည်​ရန် ​ခက်​ခဲ​သော ​အ​မှတ်​ လိုက်​ခန်း​တွေ​လို့​ပဲ ​ပြော​ရတော့​မည်​ထင်​သည်။ ​ဒီ​ပွဲ​တွေ​သည် ​ရေ​နီ​ယာ​ရီ​ဖတ်​ခဲ့​သော ​တက်​ကျမ်း​တွေ​ထံ​မှ ​ခုန်​ဆင်း​လာ​ ခဲ့​ကြ​လေ​သ​လား..

ဒါ​မှ​မ​ဟုတ်​လည်း ​ဒီ၅ ပွဲ​အ​ကြောင်း ​တက်​ကျမ်း​ဆ​ရာ​တို့​ ရ​သွား​လျှင် ​ကောင်း​စွာ​မှီ​ငြမ်း​ ပြော​ဆို​နိုင်​ကြ​တော့​မည်​ ထင်​သည်။ ​ဘယ်​တော့​မ​ဆို ​အ​လွယ်​တ​ကူ ​အ​ရှုံး​မ​ပေး​တတ်​ဖို့၊ ​ဘယ်​အ​ချိန်၊ ​ဘယ်​လို​အ​ခြေ​အ​နေ​ မှာ​မ​ဆို ‘​ငါ​တို့​ပြန်​မ​လာ​နိုင်​ကြ​တော့​ဘူး’​ စိတ်​မ​မွေး​ဖို့၊ ​ဘယ်​လို​ပြိုင်​ဘက်​မျိုး​ဖြစ်​ပါ​စေ၊ ​ငါ​တို့​ကျော်​ဖြတ်​နိုင်​ရ​မယ်​ ဆို​သော ​စိတ်​မွေး​ဖို့​ဆို ​တာ​တွေ​ အား​လုံး​လှ​ပါ​သည်။ ​ဖတ်​ဖို့၊ ​မှတ်​ဖို့၊ ​သိမ်း​ဆည်း​ဖို့​တောင်​ကောင်း​သေး​တော့​တာ။ ​သို့​သော် ​ကျွန်​တော်​က​တော့ ​အဲ့​ဒီ​လို​သေ​ချာ​မှု​မျိုး​ကို​ မုန်း​ပါ​သည်။ ​လုပ်​တိုင်း​သာ ​လို​ချင်​သ​လို​ဖြစ်​မည်​ဆို​လျှင် ​လိပ်​နှင့်​ အ​ပြေး​ပြိုင်​သော​ယုန်​လို ​လမ်း​တစ်​ဝက်​မှာ ​ကျွန်​တော်​တို့​ အေး​ရာ​အေး​ကြောင်း ​အိပ်​နေ​လိုက်​ကြ​ဦး​မ​လား။ ​အ​ချိန်​တန်​လျှင် ​ပြန်​လိုက်​နိုင်​မှာ​ပဲ၊ ​ကံ​ကောင်း​လျှင် ​ကျော်​ဖြတ်​အ​နိုင်​ရ​နိုင်​သည်။ ​ကျွန်​တော်​သည် ​လက်​စ​တာ​၏​ အ​ရည်​အ​သွေး​ကို​ လည်း​ကောင်း၊ ‘​ဇွဲ​မ​လျှော့​တတ်​သူ​များ’​ အ​ကြောင်း​ကို​လည်း​ကောင်း ​ယုံ​ကြည်​မှု​ရှိ​ပါ​သည်။ ​သို့​သော် ​အဲ့​ဒီ​အ​မှန်​တ​ရား​သာ ​က​မ္ဘာ​တည်​နေ​လျှင် ​လမ်း​ခု​လတ်​မှာ ​အိပ်​သော​ယုန်​တွေ​ မျိုး​ပွား​ကုန်​တော့​မည်။ ​ထား​လိုက်​ပါ​ကွာ၊ ​နောက်​မှ​ လုပ်​ကြ​တာ​ပေါ့​ဆို​ပြီး ​ဝီ​ရိ​ယ​ကို​ တစ်​ဝက်​ချိုး​ကုန် ​ကြ​လိမ့်​မည်။ ​ကျွန်​တော်​ မှား​ချင်​လည်း​မှား​မည်။ ​လက်​စ​တာ​ရှုံး​နေ​ပြီး ​ပြန်​မ​လိုက်​နိုင်​သော​ ပွဲ​တစ်​ပွဲ​တော့​ အ​မြန်​ဆုံး​ပင် ​ကြည့်​ချင်​စမ်း​လှ​ပါ​ရဲ့..။