သင့်စကား တခွန်းကြောင့် သင်နှင့် သင့်ပတ်ဝန်းကျင် အမှောင် မကျစေပါနှင့်

000

ကျွန်​တော် ​ဖြူး​မြို့​မှ ​စ​ကား​ပြော​နေ​ပါ​သည်။ ​

ရန်​ကုန်​နှင့်​ လမ်း​ဟောင်း​မှ​လာ​လျှင် ၁၄၂ ​မိုင်​လား​မ​သိ ​ဝေး​ကွာ​ပြီး ​လမ်း​သစ်​မှ ​လာ​လျှင်​တော့ ၁၁၅ ​မိုင်​ဆို​ဖြူး​ရောက်​ပြီ။ ၁၁၅ မိုင်​ယာဉ်​ရပ် ​နား​စ​ခန်း​သည်​ဖြူး​ဖြစ်​သည်။ ​သို့​သော် ​အ​သေ​ အ​ချာ​ပြန်​တွေး ​ကြည့်​တော့​လည်း ​အဲ့​ဒါ​ အ​ရေး​ကြီး​ လို့​လား၊ ​ဖြူး​မှာ​ပဲ​ပြော​ပြော၊ ​ရန်​ကုန်​မှာ ​ပဲ​ပြော​ပြော၊ ​လန်​ဒန်​မှာ​ပဲ​ပြော​ပြော၊ ​ဘယ်​မှာ​ပဲ ​ပြော​ပြော ​ပြော​သော​စ​ကား​က​သာ​ အ​ရေး​ကြီး​သည်​ မ​ဟုတ်​လား။ ​ဘာ​ကြောင့်​ပြော​သ​လဲ ​ဒီ​စ​ကား​က ​ဆို​တာ​ကို​ကြား​နာ​သူ​များ​က​ စဉ်း​စား​ကြ​ပေ​လိမ့်​မည်။ ​

ဒီ​ခေတ်​ကြီး​ထဲ ​ကိုယ်​ပြော​သော ​စ​ကား​တစ်​ခွန်း​သည် ​မိ​နစ်​အ​နည်း​ငယ်​ အ​တွင်း​မှာ​ပင် ​က​မ္ဘာ​ကြီး​တစ်​ခု​လုံး​သို့​ ပျံ့​နှံ့​ရောက်​ရှိ​ သွား​မှာ​သေ​ချာ​သည်။ ​လူ​မှု​ကွန်​ယက်​ စာ​မျက်​နှာ​များ​ကြောင့် ​ကျွန်​တော်​တို့​သည်​ ဘာ​မှ​မ​ဟုတ်​သော် ​လည်း ​ကျွန်​တော်​တို့​သည်​ ပြော​ရေး​ဆို​ခွင့်​ရှိ​သူ​များ​အ​ဖြစ် ​အ​ချိန်​တို​တို​ အ​တွင်း​ရောက်​ရှိ​ကြ​လေ​သည်။ ​ကျွန်​တော်​တို့​သည် ​Celebrity ​များ​မ​ဟုတ်​ကြ၊ ​သို့​သော် ​အဲ့​ဒါ​က​ အ​ရေး​မ​ကြီး​တော့​ပြီ၊ ​အ​ရင်​တုန်း​က ​ဘယ်​ဟာ​က​ သ​တင်း​လဲ..​ဆို​သော​မေး​ခွန်း​မျိုး​တွေ​ရှိ​ခဲ့​ကြ​ဖူး​သည်။ ​သ​တင်း​နှင့်​ ပတ်​သက်​ပြီး​ အ​ရှင်း​ဆုံး​ ဥ​ပ​မာ​က ​တစ်​ခု​ပဲ​ရှိ​ပါ​သည်။ ​ခွေး​က​ လူ​ကို​ကိုက်​လျှင် ​သ​တင်း​မ​ဟုတ်၊ ​လူ​က​ခွေး​ကို​ ကိုက်​လျှင်​ သ​တင်း​ဖြစ်​သည်။ ​အ​ခု​တော့ ​ခွေး​က ​ဓာတ်​တိုင်​သေး​ပန်း​လျှင်​ပင်​ သ​တင်း​ဖြစ်​နေ​ပြီ။ ​သ​တင်း​၏​တန်​ဖိုး​တွေ​ နိမ့်​ကျ​ကုန်​ပြီ​ဖြစ်​ပြီး ​လူ​တိုင်း​က ‘​သ​တင်း​လူ​သား’​ တွေ ​ဖြစ်​လာ​ကြ​သည်။ ​

အ​စ​က​တော့ ​မိ​မိ​ကိုယ်​ကိုယ်​ ဘာ​မှ​လည်း​မ​ထင်၊ ​ကိုယ့် ​account ​နှင့်​ ကိုယ်​မိုက်​သွေးကြွ​ပြီး ​တင်​ချင်​တာ​လေး​တွေ​ စွတ်​တင်​ကြည့်​တာ​ပဲ။ ​အဲ့​ဒီ​မှာ ​အား​တိုင်း Add ထား​ကြ​သော​ မိတ်​ဆွေ​များ​မှ ​စာ​တစ်​ကြောင်း​တောင်​ပြီး​အောင်​ မ​ဖတ်​ရ​သေး​ဘူး၊ Like ​မိုး​တွေ​ရွာ​ ပစ်​လိုက်​ကြ​တာ​ကို​ကြုံ​တွေ့​ ခံ​စား​လိုက်​ရ​ပြီး ‘​ကြွေ​ပြီ​လေ..’​ တွေ​ဘာ​တွေ​ဖြစ်။ ​အဲ့​ဒီ​နောက်​တော့ ‘​အား​တိုင်း​တင်’​ တွေ​ဖြစ်​လာ​ကြ​တော့​တာ​ပဲ​ မ​ဟုတ်​လား။ ​ကျွန်​တော်​တို့​သည် ​အို​ဘား​မား​ထက်​ပင်​ အ​ရေး​ပါ​နေ​ကြ​တော့​သည်​ကို ​မည်​သူ​မှ​မ​ငြင်း​နိုင်​ပါ။

အ​မှန်​က ‘​ခေတ်’​ ပဲ။

မြင့်​သစ်​လာ​သော​ ကာ​လ​တစ်​ခု​တွင် ​ထူး​ခြား​သော​ပြောင်း​လဲ​ မှု​များ​အား​ မည်​သူ​မ​ဆို ​ခံ​စား​ပိုင်​ဆိုင်​သင့်​ပါ​သည်။ ​မ​နက်​ မ​လင်း​သေး​ဘူး၊ ​စား​ကြ​ပါ​ဦး​လား..​ဆို​ပြီး​ကောက်​ညှင်း​ပေါင်း​ကို​ ဓာတ်​ပုံ​ရိုက်​တင်​သူ​လည်း​ ရှိ​သည်။ ​ဖေ​ဖော်​ဝါ​ရီ ၃၀​မှာ ​က​မ္ဘာ​မြေ​ကို​ စွန့်​ခွာ​အံ့​ လို့​ရေး​တင်​သူ​က​ တင်၊ ​ဟာ..​အ​ဖန်​ ၅၀၀၊ ​၅ က​မ္ဘာ​ကို ​မ​ကြောက်​ဘူး​လား​ ဆို​ပြီး​ တ​ရား​ပြ​သူ​က​ပြ၊ ​သူ့​ဟာ​နှင့်​ သူ​တော့​ ဟုတ်​နေ​တာ​ပဲ​ဖြစ်​သည်။ ​အ​ရင်​တုန်း​က ‘​က​မ္ဘာ့​ရွာ’​ ဆို​သော​ စ​ကား​လုံး​ကို ​အ​သေ​ငြိ​ခဲ့​ကြ​ဖူး​သည်။​

အ​ခု​တော့ ‘​က​မ္ဘာ့​ကွက်​သစ်​ကြီး’  ​ဖြစ်​လာ​ပြီ။

ညှော်မယ်​ဗျို့​ဟု ​တစ်​ခွန်း​အော်​ရုံ​နှင့် ​ကွက်​သစ်​ တစ်​ခု​လုံး​ကြား​သိ​ပြီး ​အ​ညှော်ရှောင်​လို​က​ . . . ရှောင်။ ​ဒါ​မှ​မ​ဟုတ်​လည်း ​အဲ့​ဒီ​ညှော်မယ်​ဆို​သော​ အိမ်​ကို ​စိတ်​တိုင်း​ကျ​ အ​တင်း​တုတ်​လို့ ​ရ​နေ​သ​လို​ မျိုး​ပေါ့။ ​က​မ္ဘာ့​ကွက်​သစ်​ကြီး​ထဲ ​ကျွန်​တော်​တို့​ အား​လုံး​ထိ​စပ်​ ပတ်​သက်​နေ​ကြ​သည်။ ​ယဉ်​ကျေး​မှု​များ၊ ​စိတ်​ခံ​စား​မှု​များ​ အား​လုံး ​ဒီ​လို​နှင့်​ ရင့်​ကျက်​ခိုင်​မာ​ လာ​ကြ​ရ​မြဲ​ဆို​ပေ​မယ့်​ အဲ့​ဒီအ​ဆင့်​မျိုး ​ကျွန်​တော်​တို့​ အား​လုံး​သွား​နေ​လို့​တော့​ မ​ရ​ပါ။ ​က​မ္ဘာ​နှင့်​တစ်​ဝှမ်း​မှ ​အ​မှန်​တ​ကယ်​ စောင့်​ကြည့်​ခံ​ရ​သူ​များ​ ဆို​လျှင် ​ပို​လို့​ ဆင်​ခြင်​သင့်​တာ​ပေါ့။ ​ကိုယ်​ပြော​လိုက်​သော​ စ​ကား​တစ်​ခွန်း ​သည် ​သက်​ဆိုင်​ရာ​ နယ်​ပယ်​အ​သီး​သီး​၏​ မီ​ဒီ​ယာ​စာ​မျက်​နှာ​များ​တွင် ​တ​မု​ဟုတ်​ချင်း​ပြိုင်​တူ​ဖော်​ပြ​ ခံ​ရ​တော့​မည်​ကို​ သိ​လျက်​နှင့်  ​တစ်​ထောင်​ဖိုး​သုံး​ခွန်း​စ​ကား​တွေ​ အ​လွယ်​တ​ကူ ​ပြော​ဆို​ခြင်း ​မ​ပြု​သင့်​ကြ​တော့​ပါ။

ဒီ​ရက်​ပိုင်း​ထဲ​မှာ​ပဲ ​ဘော​လုံး​က​မ္ဘာ​မှ ​ပ​ရိ​သတ်​များ၊ ​က​စား​သ​မား​များ​နှင့်​ နည်း​ပြ​များ​ ကိုယ်​တိုင်​၏ ​ချစ်​ခင်​လေး​စား​မှု​ကို​ ရ​ရှိ​ခဲ့​သော ​ဒေါ့​မွန်​နည်း​ပြ ’​ဂျာ​ဂင်​က​လော့ပ်’ ​တစ်​ယောက် ​မည်​သည့်​ က​လပ်​ကို​မှ​ ကိုင်​တွယ်​ခြင်း​မ​ပြု​ဘဲ​ အ​နား​ယူ​နေ​ရာ​က ​လီ​ဗာ​ပူး​ကို​ တာ​ဝန်​ယူ​ဖို့​ဖြစ်​လာ​သည်။ ​လီ​ဗာ​ပူး​ ကိုယ်​တိုင်​က ​အ​မှတ်​ပေး​ဖ​လား​နှင့်​ ဝေး​ကွာ​နေ​သည်​မှာ၂၅ ​နှစ် ​တိ​တိ​ရှိ​ခဲ့​ပြီ​ဖြစ်​ပြီး ​အ​င်္ဂ​လန်​က​လပ်​ အ​သင်း​များ​ထဲ​ အ​ရှိန်​အ​ဝါ​ကြီး​မား​လှ​သည့် ​လီ​ဗာ​ပူး​ကို​ ကိုင်​တွယ်​မည်​ဆို​တော့ ​သ​တင်း​က​ လှုပ်​ချင်​တိုင်း​လှုပ်​သည်။ ​ဘ​ရန်​ဒန်​ရော်​ဂျာ​၏ ​မ​ရောက်​ရှိ​မှု​များ ​က​လည်း ​ဒီ​ဇာတ်​လမ်း​ကို​ ပို့​ချင်​တိုင်း​ပို့​နိုင်​ခဲ့​ကြ​သည်။

‘​ကျွန်​တော်​ဟာ ​စ​ပယ်​ရှယ်​ဝမ်း​ ရင်​ဘတ်​ကို​ ထိုး​စိုက်​လိုက်​မယ့် ​ဓား​တစ်​ချောင်း​ပဲ’​ ဆို​တာ​မျိုး ​လုပ်​လာ​မ​လား။

‘​ကျွန်​တော်​ဟာ ​အန်​ဖီးလ်​အ​တွက် ​ဘု​ရား​သ​ခင်​ရဲ့​ ချစ်​မြတ်​နိုး​မှု​ဖြစ်​တယ်’​ ဆို​တာ​မျိုး ​ပြော​လာ​တော့​ရော ​ဘာ​များ​တတ်​နိုင်​ဦး​မှာ​လဲ။

သို့​သော် ​က​လော့ပ်​သည် ​အင်​မ​တန်​အ ​ထက်​တန်း​ကျ​သော ​လူ​ကြီး​လူ​ကောင်း ​တစ်​ဦး​ဖြစ်​ပုံ​ရ​ပါ​သည်။

‘​ပ​ရိ​သတ်​များ​၏ ​အ​သင်း​အ​ပေါ်​ စိတ်​မရှည်​ပေး ​နိုင်​တော့​လောက်​အောင် ​ခံ​စား​ပေါက်​ကွဲ ​နေ​ကြ​သည်​ကို​ နား​လည်​ပါ​ကြောင်း၊ ​မိ​မိ​အ​ပေါ် ​ကြီး​စွာ​သော ​မျှော်​လင့်​ချက်​ထား ​ရှိ​နေ​ကြ​မည်​ကို​လည်း​ သိ​ရှိ​ပါ​ကြောင်း၊ ​သို့​သော် ​မိ​မိ​ကိုယ်​တိုင်​က ​ယေ​ရှု​ခ​ရစ်​တော်​လို ​ရေ​ပေါ်​လမ်း​လျှောက်​ပြ​နိုင်​သူ​ မ​ဟုတ်​ပါ​ကြောင်း’​ ပြော​ဆို​သွား​ပုံ​မှာ ​ညက်​နေ​သည်။ ​တ​ကယ်​တော့ ​မိ​မိ​ကိုယ်​ကိုယ်​ ယုံ​ကြည်​မှု​ရှိ​သူ​တိုင်း ​ပ​ရိ​သတ်​နား​ဝင်​အောင်​ ပြော​နိုင်​စွမ်း​ရှိ​ကြ​မည်​သာ။ ​ကိုယ်​တိုင်​အ​လင်း​ရောင်​ရှိ​မှ ​ကိုယ့်​အား​ခို​လှုံ​သူ​တွေ​ကို​ အ​လင်း​မျှ​ဝေ​ပေး​နိုင်​လိမ့်​မည်။ ​

ဘ​ရန်​ဒန်​ရော်​ဂျာ  ​သည် ​လီ​ဗာ​ပူး​နှစ်​ကာ​လ​ တစ်​လျှောက်​လုံး ​ရောက်​တတ်​ရာ​ရာ ​စ​ကား​များ​ကို​ပြော​ဆို​ခဲ့​ပြီး ​ပ​ရိ​သတ်​ကို​လှည့်​ဖျား​ဖို့​ကြိုး​စား ​ခဲ့​သူ​ဖြစ်​သည်။ ​ပ​ရိ​သတ်​၏ ​လို​အင်​ဆ​န္ဒ​တွေ​က ​အ​ရေး​မ​ကြီး၊ ​သူ့​မာ​န​နှင့်​ သူ့​ရှင်​သန်​မှု​က​သာ​ အ​ရေး​ကြီး​ခဲ့​သည်။ သူ​ထုတ်​ပယ်​ခံ​ရ​ဖို့ ​အ​သံ​တွေ​ ထွက်​လာ​တော့​မှ ​စ​တာ​ရစ်​ခ်ျ​နှင့်​ အ​တူ​ပြန်​လာ​ခဲ့​ပြီ​ဖြစ်​ကြောင်း၊ ​ထိပ်​ဆုံး(၄)​သင်း​ စာ​ရင်း​ဝင်​နိုင်​စွမ်း ​ရှိ​နေ​သေး​ပြီး ​ကံ​လေး​နည်း​နည်း​ လိုက်​လာ​လျှင် ​ဗိုလ်​စွဲ​နိုင်​စွမ်း​ပင်​ ရှိ​နေ​သေး​ကြောင်း ​ပြော​လာ​တော့ ​ပ​ရိ​သတ်​တွေ​က ​အဲ့​ဒါ​ကို​ပြက်​လုံး​တစ်​ခု​လို​ ပင်​မ​ရယ်​မော​နိုင်​ကြ​တော့​ပြီ။

ဂျာ​ဂင်​က​လော့ပ်​နှင့်​ ပ​ထ​မ​ဆုံး​ ဆုံ​တွေ့​ရ​ဖို့​ရှိ​သည့်​ အ​သင်း​မှာ ​စ​ပါး​ဖြစ်​သည်။ ​မ​နှစ်​က​စ​ပါး​သည် ​ဟာ​ရီ​ကိန်း​၏​ စ​ပါး​ဖြစ်​သည်။ ​ပ​ရီး​မီး​ယား​လိဂ်​ သွင်း​ဂိုး(၂၁)​ဂိုး​နှင့် ​သူ့​ကျေး​ဇူး​တွေ​က ၂၀၁၄-၁၅ ​စ​ပါး​မှာ ​နူး​အိ​နေ​ခဲ့​တာ​မ​ဟုတ်​လား။ ​သို့​သော် ​အ​ချိန်​တို​အ​တွင်း​မှာ ​အ​င်္ဂ​လန်​ လက်​ရွေး​စင်​ တက်​ဖြစ်၊ ​အဲ့​ဒီ​က​ပြန်​လာ​တော့ ​စ​ပါး​နည်း​ပြ​ ပို​ချက်​တီ​နို​က ​သူ့​အ​တွက် ​စ​ပါး​က​ပ္ပ​တိန် ​လက်​ပတ်​နှင့်​အ​တူ​စောင့်​ကြို​နေ​ ခဲ့​ပြန်​သည်။ ​အဲ့​ဒီ​ထဲ​က ​ဒီ​က​လေး​လည်း ​ယုံ​ကြည်​မှု​ ခဲ​လွတ်​သွား​တော့​တာ ​မ​ဟုတ်​လား။ ​တစ်​ချို့​က​ အ​မှန်​တ​ကယ်​ပင် ​ယုံ​ကြည်​မှု ​လွန်​ကဲ​သွား​တတ်​ကြ​သည်။ ​တစ်​ချို့​က​တော့ ​ယုံ​ကြည်​မှု​ရှိ​နေ​ သ​ယောင်​ဆောင်​ကြ​တာ​ပဲ။ ​အဲ့​ဒီ​လို​အ​ချိန်​မျိုး​တွင်​ ပြော​သော​စ​ကား​ မှန်​သ​မျှ ​ဘယ်​လို​မှ​ပုံ​မှန်​အ​တိုင်း ​မ​ထွက်​နိုင်။ ​အဲ့​ဒီ​နောက်​တော့ ​ဟာ​ရီ​ကိန်း​တစ်​ယောက် ​ကျ​ကျ​န​န​ကြီး​ကို​ ကျ​လာ​ပါ​သည်။ ​ရာ​သီ​နောက်​ဆုံး ​ရက်​များ​က​စ​လို့ ​သူ​ရုန်း​ကန်​လာ​ရ​သည်​မှာ ​ရာ​သီ​သစ်​ ပ​ထ​မ​ကာ​လ​များ​အ​ထိ ​အ​ပြောင်း​အ​လဲ​ မ​ရှိ​သေး။ ​ပွဲ​စဉ်(၇)​ရောက်​မှ ​ရာ​သီ​သစ်​အ​တွက်​ အ​ဖွင့်​ဂိုး​ကို​ သွင်း​နိုင်​ခဲ့​သည်။ ​အဲ့​ဒီ​ဂိုး​က​လည်း ​ပြိုင်​ဘက်​ဂိုး​သ​မား​ မ​ရှိ​တော့​သော​ ဂိုး​ပေါက်​ထဲ ​ကန်​သွင်း​ယူ​ခဲ့​သော ​ဂိုး​ဖြစ်​သည်။ ​ကျွန်​တော်​တို့​အား​လုံး​က ​ဘာ​ပဲ​ပြော​ပြော ​အ​စ​လေး​ တစ်​ခု​တော့​ပြန်​စ​နိုင်​တာ​ပဲ ​ဟု ​အ​ကောင်း​မြင်​မ​လို့​ လုပ်​တုန်း​ရှိ​သေး၊ ​သူ့​စ​ကား​ တစ်​ခွန်း​ထွက်​လာ​တော့ ​အား​လုံး​ပက်​လက်​ လန်​ကြ​ရ​သည်​သာ။

‘​ကျွန်​တော်​ဟာ ​ဒီ​ဂိုး​နဲ့​ ဝေ​ဖန်​သူ​တွေ​ အား​လုံး​ရဲ့​ ပါး​စပ်​ကို ​ပိတ်​နိုင်​ခဲ့​ပြီ’​ ဆို​ပဲ။ ​

လူ​တစ်​ယောက်​ပဲ ​ဖြစ်​ဖြစ်၊ ​အ​ဖွဲ့​အ​စည်း​တစ်​ခု ​ပဲ​ဖြစ်​ဖြစ် ​ကိုယ့်​ဘက်​က ​အ​ခြေ​အ​နေ​မ​ဟန်​ကြောင်း ​အ​ကြောင်း​ခြင်း​ရာ​ တစ်​ခု​မ​ဟုတ် ​တစ်​ခု​နှင့်​ဆက်​စပ်​ပြီး​ သိ​ရှိ​ကြ​ရ​မြဲ​ဖြစ်​သည်။ကျ​ပြီ..။ ​ကျ​ပြီ​ဆို​တာ ​အ​ဆုံး​သတ်​သွား​တာ​မှ​ မ​ဟုတ်​ဘဲ။ ​ကိုယ့်​ဘက်​က ​စစ်​မှန်​သော​ပြောင်း​လဲ​မှု​များ ​ပြု​လုပ်​နိုင်​လျှင် ​ကိုယ့်​မှာ​နောက်​တစ်​ကြိမ် ​တောက်​ပ​ခွင့် ​အ​မှန်​တ​ကယ်​ရှိ​ပါ​သည်။ ​အဲ့​ဒီ​လို​မ​ဟုတ်​ဘဲ ​ကျ​ရိပ်​သန်း​ပြီ​ဆို​ရုံ​နှင့် ​ပုံ​မှန်​မ​ဟုတ်​သော​ စ​ကား​များ ​ပြော​ဆို​ခြင်း၊ ​အ​ခြား​သော​ပြိုင်​ဘက်​များ​အား ​အ​လွန်​အ​မင်း​တိုက်​ခိုက် ​ပုတ်​ခတ်​ခြင်း​များ ​ပြု​လုပ်​လာ​ကြ​သည်​မှာ ​တ​ရား​ကျ​စ​ရာ​ လည်း​ကောင်း၊ ​ရွံ​စ​ရာ​လည်း​ ကောင်း​လှ​သည်။ ​ဒီ​လို​နှင့်​ပဲ ​သူ​တို့​၏ ​နောက်​တစ်​ကြိမ်​ ဆို​သော ​တံ​ခါး​ကို ​သူ​တို့​ကိုယ်​တိုင်​ အ​သေ​ဆွဲ​ပိတ် ​လိုက်​သ​လို ​ရှိ​သွား​တတ်​တော့​သည်​သာ။ ​

အ​ခု​လည်း​ပြော​ပြန်​ပြီ။ ‘​ဂျာ​ဂင်​က​လော့ပ်​၏​ အ​ဖွင့်​ပွဲ​ ရ​လဒ်​ကောင်း​ရန် မ​လွယ်’​ဆို​ပါ​လား..။

ကျွန်​တော်​တို့​သည် ‘​က​မ္ဘာ့​ကွက်​သစ်’​ ကြီး​တစ်​ခု​ထဲ​မှ​ ရုန်း​ထွက်​ကာ ‘​က​မ္ဘာ​လုံး​ဆိုင်​ရာ ​အ​ထက်​တန်း​စား​မြို့​ပြ​များ’​ ထူ​ထောင်​ကြ​ရ​ပါ​ လိမ့်​မည်။ ​ကျွန်​တော်​တို့​ ကိုယ်​တိုင်​က ​သ​တင်း​လူ​သား​များ ​ဖြစ်​လာ​ကြ​ချိန်​မှာ ​ဘာ​မ​ဟုတ်​သော​ ပွတ်​တိုက်​ခြင်း​များ​နှင့်​ အ​ချိန်​ကုန်​ခံ​နေ​ကြ​တော့ ​မှာ​လား။

ဖြူး​မှာ​ပြော​ပြော၊ ​ရန်​ကုန်​မှာ​ပြော​ပြော၊ ​လန်​ဒန်​မှာ​ပြော​ပြော..

ဘယ်​မှာ​ပြော​ပြော၊ ​ပြော​သော​စ​ကား​တိုင်း​ လို​လို​သည် ​ကိုယ်​နှင့်​ ကိုယ့်​မိ​သား​စု၊ ​ကိုယ်​နှင့်​ ကိုယ့်​မြို့​ရွာ၊ ​ကိုယ့်​နိုင်​ငံ​တော်​အ​တွက် ​ဂုဏ်​ရည်​မြှင့် စ​ကား​တွေ​ဖြစ်​နေ​လျှင် ​ဘယ်​လောက်​များ​ မ​င်္ဂ​လာ ​ရှိ​လိုက်​မ​လဲ..။ ​ဒီ​တစ်​ပတ် ​ကျွန်​တော် ​အဲ့​ဒါ​ကို​ပဲ​ ထိုင်​တွေး​နေ​ဖြစ်​ပါ​သည်။

(N ကြယ်မင်း)