မန်ယူနောက်ခံလူလုခ်ရှော တက်ရောက်နေသည့်ဆေးရုံသို့ မိုရီနို သွားရောက်တွေ့ဆုံခဲ့

Share on Facebook0Tweet about this on TwitterShare on Google+0Share on Reddit0
488328240
လုခ်ရှောအား ခြေထောက်ကျိုးစေခဲ့သည့် မိုရီနို၏ဖျက်ထုတ်မှု

ပီအက်စ်ဗီနှင့်ကစားခဲ့သော ချန်ပီယံလိဂ်ပွဲစဉ်တွင် ခြေထောက်နှစ်ပိုင်းကျိုးသည့်ဒဏ်ရာရရှိခဲ့သော
မန်ယူနောက်ခံလူလုခ်ရှောခွဲစိတ်ကုသမှုခံယူနေသည့်ဆေးရုံသို့ ပီအက်စ်ဗီနောက်ခံလူမိုရီနို သွားရောက်တွေ့ဆုံခဲ့ကြောင်းသိရသည်။

ဘောလုံးယှဉ်လုရာမှ ပီအက်စ်ဗီနောက်ခံလူမိုရီနိုနှင့်ထိခိုက်ပြီး ခြေထောက်ကျိုးခဲ့သော လုခ်ရှောမှာ
အိုင်ဟိုဗင်မြို့ စိန့်အန်နာဆီကန်ဟုစ်ဆေးရုံတွင် တက်ရောက်နေရပြီး ယနေ့တွင် ဒုတိယအကြိမ်မြောက် ထပ်မံခွဲစိတ်ရမည်ဖြစ်သည်။

လုခ်ရှော၏ ဒဏ်ရာနှင့်ပတ်သက်၍ မိုရီနိုအပါအ၀င် ပီအက်စ်ဗီအသင်းနည်းပြကိုကူးတို့က လူမှုကွန်ရက်များမှတစ်ဆင့်
အဆိုပါအင်္ဂလန်နောက်ခံလူ အမြန်ဆုံးပြန်လည်ကောင်းမွန်စေရန် ဆုမွန်ကောင်းတောင်းခဲ့ကြသည်။

အသက် ၂၇ နှစ်ရှိနောက်ခံလူ မိုရီနိုက ”အခုဖြစ်ခဲ့တဲ့ မတော်တဆဖြစ်ရပ်အတွက် တကယ့်ကိုစိတ်ထိခိုက်ရပါတယ်။
ကျွန်တော်တကယ့်ကိုတောင်းပန်ပါတယ်။ ဘောလုံးရဖို့ပဲ ကျွန်တော်ကြိုးစားခဲ့တာပါ။ အခုလိုဖြစ်မယ်လို့ထင်မထားခဲ့ပါဘူး။
လုခ်ရှောအတွက် စိတ်မကောင်းဖြစ်ရသလို သူ့မိသားစုဝင်တွေအတွက်လည်း ၀မ်းနည်းမိပါတယ်”ဟု ပြောကြားသွားခဲ့သည်။

comments

error: Content is protected !!