ဒုတိယရာသီဝက်တွင်မှ မီလန်ဒါဘီပြိုင်ဆိုင်မှု ပိုပြင်းထန်မည်ဟု လစ်ပီ သုံးသပ်

Share on Facebook0Tweet about this on TwitterShare on Google+0Share on Reddit0
lippi
အေအက်ဖ်စီချန်ပီယံလိဂ်ပွဲစဉ်တစ်ခုတွင်တွေ့ရသည့် လစ်ပီ

အီတလီအသင်းနည်းပြဟောင်း မာဆယ်လိုလစ်ပီက ယခုတစ်ပတ်တနင်္ဂနွေနေ့တွင် ယှဉ်ပြိုင်ကစားမည့် မီလန်ဒါဘီပွဲစဉ်ထက် ဒုတိယရာသီဝက်ဒါဘီပွဲစဉ်မှာ ပိုမိုပြင်းထန်မည်ဟုသုံးသပ်ပြောကြားလိုက်သည်။

အင်တာမီလန်နှင့်အေစီမီလန်တို့သည့် ယခုနှစ်ဘောလုံးရာသီတွင် အသင်းအင်အားတောင့်တင်းစေရန် ရင်းနှီး မြှုပ်နှံမှုအများအပြားပြုလုပ်ထားသော်လည်း ၎င်းတို့(၂)သင်းလုံးအတွက် အချိန်လိုအပ်သေးကြောင်း လစ်ပီက ပြောကြားခဲ့သည်။

လစ်ပီက “အရင်းအနှီးအများကြီးလုပ်ထားပေမယ့် ဒုတိယရာသီဝက်ရောက်မှ သူတို့နှစ်သင်းပိုမိုတောင့်တင်း မယ်ထင်တယ်။ ဒါဘီပွဲက မကြာခင်ကစားတော့မှာဖြစ်ပေမယ့် နှစ်သင်းလုံးက တည်ဆောက်နေဆဲကာလမှာပဲ ရှိပါသေးတယ်။ အင်တာမီလန်ရဲ့ ပါရီဆစ်ကို ကျွန်တော်ကြိုက်သလို အိုင်ကာဒီကလည်း ထိပ်တန်းတိုက်စစ်မှူး ပါပဲ။ သူတို့နဲ့ လက်ရှိချန်ပီယံဂျူဗင်တပ်တို့ (၆)မှတ်ကွာဟနေတာက ကောင်းမွန်တဲ့စတင်ခြင်းဖြစ်ပါတယ်။ အေစီမီလန်ဂိုးသမားလိုပက်ဇ်ကို ကျွန်တော်မြင်ရသလောက်ကတော့ အားနည်းချက်သိပ်မတွေ့ပါဘူ။ ဒီစီ ဂလီယို၊ အန်တိုနယ်လီတို့ကလည်း ခံစစ်ပိုင်းစိတ်ချရတဲ့သူတွေပါ။ ဘက်ကာ၊ အက်ဒရီယာနိုနဲ့ ဘာလော့တယ်လီတို့ရဲ့ ခြေစွမ်းကိုလည်း အသင်းတိုင်းသိပြီးသားပါ”ဟု သုံးသပ်သွားခဲ့သည်။

comments

error: Content is protected !!